ମାନସ

ସ୍ୱାଧୀନତା ପରର ପତ୍ରିକା ଭିତରେ ଇସ୍ତାହାର ପତ୍ରିକାର ସ୍ଥାନ ସ୍ୱତନ୍ତ୍ର। ୧୯୭୮ମସିହାରୁ ଏହା ନିୟମିତ ପ୍ରକାଶ ପାଉଛି। ୧୯୭୪ ମସିହାରେ ଭାଗିରଥୀ ସାହୁଙ୍କ ସମ୍ପାଦନାରେ କିଛି ନିର୍ବାଚିତ ଆଧୁନିକ ଓଡ଼ିଆ କବିତା ଉପରେ ଆଲୋଚନାକୁ ନେଇ ଇସ୍ତାହାରର ପ୍ରଥମ ସଂଖ୍ୟା ପ୍ରକାଶ ପାଇଥିଲା। ଅକ୍ଟୋବର ୨୦୧୮ ମସିହା ସୁଦ୍ଧା ଏହାର ୧୪୮ଟି ସଂଖ୍ୟା ପ୍ରକାଶ ପାଇଛି। ଅବଶ୍ୟ କେତେଗୁଡ଼ିଏ ମିଳିତ ସଂଖ୍ୟା ବି ରହିଛି।

ଏହା ଏକ ସୃଜନଶୀଳ, ସମୀକ୍ଷା ସମୃଦ୍ଧ ସାହିତ୍ୟ ପତ୍ରିକା। ପ୍ରଥମ କିଛି ସଂଖ୍ୟାରେ କିଛି ଅନାଲୋଚିତ କବିଙ୍କ ବିଷୟରେ ଆଲୋଚନା କରାଯାଇଛି। ଏହା ସହିତ ପାଞ୍ଚଟି କବିତାର ପ୍ରାୟୋଗିକ ଆଲୋଚନା ସେହି ଦୁଇଟି ସଂଖ୍ୟାରେ ସଂଯୋଜିତ ହୋଇଛି। ୧୯୭୯ ମସିହାର ଶାରଦୀୟ ବିଶେଷାଙ୍କ ଭାବରେ ଇସ୍ତାହାରର ଅଷ୍ଟମ ସଂଖ୍ୟାରେ ମୌଳିକ ଗଳ୍ପ, କବିତା, ପ୍ରବନ୍ଧ, ସମାଲୋଚନା ତଥା ଗ୍ରନ୍ଥସମୀକ୍ଷା ପ୍ରକାଶ ପାଇଛି। ଏହା ପରଠାରୁ ଏହା ତ୍ରୈମାସିକ ହୋଇଛି।

ଇସ୍ତାହାର ପ୍ରକାଶନ ଆରମ୍ଭରୁ ଯେଉଁମାନଙ୍କ ଲେଖା ଏଥିରେ ପ୍ରକାଶ ପାଉଛି ସେମାନଙ୍କ ଭିତରେ ଅଛନ୍ତି ଗୋପୀନାଥ ମହାନ୍ତି, ସଚ୍ଚିଦାନନ୍ଦ ରାଉତରାୟ, ଗୁରୁପ୍ରସାଦ, କିଶୋରୀ ଚରଣ ଦାସ, ଚନ୍ଦ୍ରଶେଖର ରଥ, ଅତ୍ୟୁତାନନ୍ଦ ପତି, ଜଗନ୍ନାଥ ପ୍ରସାଦ ଦାସ, ସୀତାକାନ୍ତ ମହାପାତ୍ର, ବ୍ରଜନାଥ ରଥ, ରବି ପଟ୍ଟନାୟକ ଆଦି।

ବେଶ୍ କିଛିବର୍ଷ ମୌଳିକ ଲେଖାସହ ଆଧୁନିକ ସାହିତ୍ୟ ଉପରେ ସମୀକ୍ଷା ପ୍ରକାଶ ହେବା ପରେ ଓଡ଼ିଆ ସାହିତ୍ୟର ପ୍ରାଚୀନ ଓ ନୂତନ ଦିଗ ଉପରେ ଏଥିରେ ଚର୍ଚ୍ଚା କରାଯାଇଛି। ଓଡ଼ିଆ ସାହିତ୍ୟ ସହିତ ବିଭିନ୍ନ ଭାରତୀୟ ସାହିତ୍ୟ, ଆନ୍ତର୍ଜାତୀୟ ସାହିତ୍ୟ, ତୁଳନାତ୍ମକ ସାହିତ୍ୟ, ସମାଲୋଚନାମୂଳକ ସାହିତ୍ୟ ସହିତ ଗବେଷଣାମୂଳକ ରଚନା ଏଥିରେ ସ୍ଥାନ ପାଇଛି। ବିଖ୍ୟାତ ଗାଳ୍ପିକ ବାମା ଚରଣ ମିତ୍ରଙ୍କ ଉପରେ ଏକ ବିଶେଷ ସଂଖ୍ୟା ପ୍ରକାଶ ପାଇଥିଲା। ଏହା ସହିତ ସଚ୍ଚିଦାନନ୍ଦ ରାଉତରାୟ, କିଶୋରୀ ଚରଣ ଦାସ, ଗୁରୁ ପ୍ରସାଦ ମହାନ୍ତି, ବେଣୁଧର, ବିଶ୍ୱଜିତ ଦାସ ଆଦିଙ୍କ ଉପରେ ମଧ୍ୟ ବିଶେଷାଙ୍କ ପ୍ରକାଶିତ ହୋଇଛି।

ଆରମ୍ଭରୁ ଅଧ୍ୟାପକ ନିତ୍ୟାନନ୍ଦ ଶତପଥୀ ଏହାର ସମ୍ପାଦକ ରହିଛନ୍ତି। ତାଙ୍କ ସହିତ ଅନେକ ସମୟରେ ବହୁ ସୃଜନଶୀଳ ଲେଖକ ଓ ସମୀକ୍ଷକ ଏହାର ସମ୍ପାଦନା ମଣ୍ଡଳୀରେ ରହିଆସିଛନ୍ତି। ଏହାର ସମ୍ପାଦକୀୟ କେବେ କେମିତି ସମ୍ପାଦନା ମଣ୍ଡଳୀ ଲେଖୁଥିଲେ ବି ମୁଖ୍ୟତଃ ଅଧ୍ୟାପକ ଶତପଥୀ ଏହି ସ୍ତମ୍ଭରେ ସାହିତ୍ୟ, ସଂସ୍କୃତି, ଭାଷା ଓ ସମକାଳର ସାମାଜିକ, ରାଜନୈତିକ ସ୍ଥିତି ଉପରେ ଗଭୀର ଲେଖାମାନ ଲେଖିଛନ୍ତି। ଅନେକ ନୂଆ ଲେଖକ, ସମୀକ୍ଷକ, ପ୍ରାବନ୍ଧିକ ସୃଷ୍ଟି କରିବାରେ ଇସ୍ତାହାର ଏକ କ୍ରାନ୍ତିକାରୀ ଭୂମିକା ଗ୍ରହଣ କରିଛି।
(ଆଧାର: ସମ୍ବାଦ ସାହିତ୍ୟକୋଷ)

ଇସ୍ତାହାର ଡିଜିଟାଇଜ କରିବା ପାଇଁ ଅଧିକାଂଶ ସଂଖ୍ୟା ଅଧ୍ୟାପକ ନିତ୍ୟାନନ୍ଦ ଶତପଥୀ ଯୋଗାଇ ଦେଇଥିଲେ। ମିଳି ନ ଥିବା ସଂଖ୍ୟା ଖୋଜିବାରେ ଅନେକ ସାଥି ସହଯୋଗ କରିଥିଲେ। ସେମାନଙ୍କ ଭିତରେ ମୁଖ୍ୟ ହେଉଛନ୍ତି ଡ. ସଂଘମିତ୍ରା ମିଶ୍ର, ଡ. ଶ୍ରୀଚରଣ ମହାନ୍ତି, ଡ. ଶତ୍ରୁଘ୍ନ ପାଣ୍ଡବ, ଡ. ବାବାଜୀ ଚରଣ ପଟ୍ଟନାୟକ, ଡ. କୈଳାଶ ଚନ୍ଦ୍ର ଦାଶ, ଡ. ଆଶୁତୋଷ ପରିଡ଼ା, ଶ୍ରୀମତୀ ପ୍ରିୟମ୍ବଦା ପାତ୍ର (ସ୍ୱର୍ଗତ ଶିବରାମ ପାତ୍ରଙ୍କ ସଂଗ୍ରହ) ଏବଂ କେଦାରନାଥ ଗବେଷଣା ପ୍ରତିଷ୍ଠାନ ଭଳି ଅନୁଷ୍ଠାନ।

ମାନସ ସୂଚୀ

ତଳ ସାରଣୀରେ ଇସ୍ତାହର ପତ୍ରିକାର ଆରମ୍ଭରୁ ଅକ୍ଟୋବର ୨୦୧୮ ପର୍ଯ୍ୟନ୍ତ ପ୍ରକାଶିତ ସଂଖ୍ୟାଗୁଡ଼ିକ ଡାଉନ୍‌ଲୋଡ୍ କରିବା ପାଇଁ ଲିଙ୍କ ରହିଛି। ଲିଙ୍କ/ଚିତ୍ର ଉପରେ ମାଉସ୍ କ୍ଲିକ୍ କରି ଫାଇଲ୍‌ଗୁଡ଼ିକୁ ନିଜ କମ୍ପ୍ୟୁଟରରେ ରଖିହେବ। ତଥାପି ଇଣ୍ଟରନେଟ ସଂଯୋଗର ବେଗ ନେଇ ଡାଉନ୍‌ଲୋଡ୍ ପାଇଁ କିଛି ସମୟ ଲାଗିବ।

ଡାଉନ୍‌ଲୋଡ୍ କରିବା ଆଗରୁ ପତ୍ରିକା ବିଷୟରେ ଓ ଡିଜିଟାଲ ରୂପର ମାନ ବିଷୟରେ ଧାରଣା ପାଇବା ପାଇଁ କିଛି ନମୁନା ସଂଖ୍ୟା/ପୃଷ୍ଠା ଏଠାରେ ଦିଆଯାଇଛି। କୌଣସି ନମୁନା ଉପରେ ମାଉସ୍ କ୍ଲିକ୍ କଲେ ତାହା ନୂଆ ଟ୍ୟାବ୍‌ରେ ଖୋଲିବ।

ପତ୍ରିକାର ସଂଖ୍ୟାଗୁଡ଼ିକର ସବୁ ଲେଖାକୁ ଏକାଠିକରି ସମୟ କ୍ରମ ଓ ଲେଖକ କ୍ରମ ଅନୁସାରେ ଦୁଇଟି ସୂଚୀ ଏଠାରେ ଦିଆଯାଇଛି। ଏହା ସାହାଯ୍ୟରେ କୌଣସି ସଂଖ୍ୟାରେ ବା ନିର୍ଦ୍ଦିଷ୍ଟ ଲେଖକଙ୍କର ପ୍ରକାଶିତ ଲେଖା ସହଜରେ ଖୋଜିହେବ।

ଭାଗ/ବର୍ଷ Vol./Year ସଂଖ୍ୟା / Issue ସଂଖ୍ୟା / Issue ସଂଖ୍ୟା / Issue ସଂଖ୍ୟା / Issue
୧୯୭୪ ନଭେମ୍ବର, (୦୧)
1974 Nov, (01)
୧୯୭୮ ଫେବୃଆରି, (୦୨)
1978 Feb, (02)
୧୯୭୮ ଅକ୍ଟୋବର, (୦୩-୦୪)
1978 Oct, (03-04)
୧୯୭୯ ଜାନୁଆରି-ମାର୍ଚ୍ଚ, (୦୫)
1979 Jan-Mar, (05)