ଓଡ଼ିଆ ମହାଭାରତ

“ଯାହା ନାହିଁ ଭାରତେ, ତାହା ନାହିଁ ଭାରତେ” – ଏହି ଉକ୍ତିରୁ ଭାରତ ଭୂଖଣ୍ଡ ଓ ମହାଭାରତ ଗ୍ରନ୍ଥର ସମ୍ପର୍କ ଜାଣିହୁଏ। ସାରା ଭାରତର ଜନଜୀବନ ଓ ସାହିତ୍ୟକୁ ଛୁଇଁଥିବା ମହାଭାରତର ଛାପ ଓଡ଼ିଶାରେ ମଧ୍ୟ ପଡ଼ିଥିବା ସ୍ୱାଭାବିକ। ଓଡ଼ିଆ ସାହିତ୍ୟରେ ମହାଭାରତ କେବଳ ଯେ ସ୍ଥାନ ପାଇଛି ତାହା ନୁହେଁ, ଓଡ଼ିଶା ମାଟିରେ ଓଡ଼ିଆ ସ୍ରଷ୍ଟାଙ୍କ ଲେଖନୀରେ ତାହା ଏକ ସ୍ୱତନ୍ତ୍ର ରୂପ ନେଇଛି। ‘ସାରଳା ମହାଭାରତ’ ରୂପକ ଅନନ୍ୟ ସୃଷ୍ଟି ଓଡ଼ିଆ ସାହିତ୍ୟରେ ନୂଆ ଯୁଗର ପ୍ରବର୍ତ୍ତକ ମଧ୍ୟ ସାଜିଛି।

ଓଡ଼ିଆ ଭାଷାରେ ଉପଲବ୍ଧ ମହାଭାରତର ବିଶେଷ ରୂପଗୁଡ଼ିକୁ ନେଇ ଏହି ସଂକଳନ। ବ୍ୟାସକୃତ ମହାଭାରତର ଗଦ୍ୟ ଓ ପଦ୍ୟ ଅନୁବାଦ ସହିତ ସାରଳା ମହାଭାରତର ସମ୍ପାଦିଡ ରୂପ ଏଠାରେ ଦିଆଯାଇଛି। ଏହିସବୁ ଅନୁବାଦ/ଅନୁସୃଜନ ବିଷୟରେ କିଛି ପୃଷ୍ଠଭୂମି ରହିଛି ଏଠାରେ।

ତଳେ ଦିଆଯାଇଥିବା ସୂଚୀ ସାହାଯ୍ୟରେ ବିଭିନ୍ନ ରୂପରେ ପ୍ରକାଶିତ ମହାଭାରତ ଗୁଡ଼ିକ ଦେଖିହେବ ଓ ଡାଉନ୍‌ଲୋତ୍ ଉପରେ କ୍ଲିକ୍ କରି ସଂଗ୍ରହ କରିହେବ। ଡାଉନ୍‌ଲୋଡ୍ କରିବାର ସୁବିଧା ପାଇଁ ବଡ଼ ଭାଗଗୁଡ଼ିକୁ କିଛି ଛୋଟ ଅଂଶରେ ଭାଗ କରାଯାଇଛି ଓ ବଡ଼ ଅଂଶଗୁଡ଼ିକର ଆକାର ସୂଚାଇ ଦିଆଯାଇଛି।